思想及言論太負面，會影響自己及身邊的人。有連登網民發文，大呻母親思想負面，導致兩兄弟從細到大不斷被她放負洗腦，並直言「真係好悲哀」。
該名網民近日在連登討論區以「有個諗嘢超負面嘅阿媽真係好悲哀」為題發文，指母親思想負面，並憶述小時候在電視上看到有關空難的新聞報道時，「佢話人抵死，鬼叫你去旅行咩…（因為窮佢當年未搭過飛機）」，並指「見人食好嘢，又話咁肥食死你哋呀，爆血管中風呀」。樓主又指，母親在工作上若被人欺負則「永遠鵪鶉」，「返到屋企就不停怨，鬧人哋，發老脾」。
樓主又指，當自己找到好工作時，對方的第一句就是「有冇糧出㗎？好多呃人㗎！」，令自己即時由開心變「著晒」。樓主續指，母親照顧兩名兒子長大成日，未能過上好日子，但兩兄弟「請佢旅行食好西佢都唔鍾意」，並指母親一直想著「手停口停」這句話，「寧願儲埋儲埋，腦裡面除咗恐懼，冇其他感覺」。
樓主又感嘆，兩兄弟從細到大不斷被她放負洗腦，「我諗嘢都偏負，我細佬更變成毒L唔鍾意講嘢」。樓主亦指，「最慘係，成長過程中所有諗法都受佢哋影響而不自知，到自己有小朋友仲傳承咗某啲缺點，先明白呢個原理，我好憎自己某方面嘅性格，有時就會遷怒父母，但冇父母就冇自己，投胎冇課金啫，好似冇理由嬲佢哋，所以好痛苦」。樓主又形容，母親是「憎人富貴厭人貧」，但指「我都想唔理，但點都care佢，好難唔上心」，又指性格決定命運，直到開始工作後才開始學習欣賞別人，而並非放大其他人的缺點。
相關帖文隨即引起熱議，並獲得逾1300人讚好。不少人留言鼓勵樓主，指「佢講嘅嘢你唔洗太上心」、「你想為自己未來嘅，就要擺脫佢行自己嘅路，永遠畀佢拖累你一定無將來」、「唔需要圍爐，由你呢一代改變就得，明辨是非唔係必然嘅能力」、「你可以care佢，但唔洗理佢講嘅嘢」等。另有人則指，「貧窮真係可以限制人嘅想像力」、「屋企人諗野負面真係好麻煩，最衰係影響埋自己，明明心情好，講兩句即時DOWN晒」等。
有人則分享類似遭遇，並指「同我老母一樣，算啦唔會改變到佢哋，講嘅說話全部都係負面。由細到大都係唔會讚自己仔女，就算帶佢去旅行食嘢，開口埋口就係都唔知有乜好食，又話以後都唔去，聽到真係勁冇癮」、「係，我老母都係咁，永遠唔會講好說話/讚人，咩都有野挑剔，話咁樣係『直腸直肚』為人好先咁。我到呢幾年先發覺自己以前唔識欣賞人讚賞人原來係受由細到大受佢影響，最大獲嘅係到依家都係連自己都唔識欣賞自己，好自卑好無自信，就算人地點讚自己都好都好焦慮，覺得自己好廢仲有好多不足」、「Same，長期同啲負面人一齊生活，搞到自己都好焦慮」等。
帖文來源：連登討論區
資料來源:星島日報
Tag cloud:
好工推介
職場熱話
- 1
- 2
-
同事拎多咗件散水西餅感不忿 打工仔：「我要同HR告狀！」
TOP 1 -
ENFJ人棄Marketing轉投理財界 靠親和力贏客心
TOP 2 -
AI教父勸大家齊齊做藍領 「AI暫時無法達到人類操作水平，做水管工係唔錯嘅選擇！」
TOP 3 -
HR發帖文指一年Gap Year等於與社會脫節 惹同行抨擊：「證明你令公司錯失人才」
TOP 4 -
香港國際機場職業博覽會2025 大量職位空缺 助您夢想啟航
TOP 5
-
ManpowerGroup報告：第三季本港招聘意欲穩中見保守
TOP 6 -
應對未來職場挑戰？OpenAI推「AI原生大學」 助學生打好AI基礎
TOP 7 -
畢業後為一紙聘書不惜自降身價？HR：只會賠了夫人又折兵
TOP 8 -
見工被HR質疑學歷兼查家宅 仲被揶揄「冇老豆」
TOP 9 -
郵政署招聘客戶服務員 月薪$16,258 DSE 5科2級申請得！
TOP 10
-
AI衝擊加上地緣政治不明朗 應屆畢業生就業前景 可能係40年嚟最差？
TOP 11 -
歐洲初創圈掀起996爭論：賣命式工作文化是否值得仿效？
TOP 12 -
穩定工作、升職加薪、結婚生子 真係成功人生方程式？ 網民：「不如趁早尋找屬於自己的生活節奏」
TOP 13 -
返工壓力爆煲情緒出問題 辭職又驚冇收入 打工仔點樣走出死循環？
TOP 14 -
AI衝擊職場？研究：實際影響仍然輕微 反而增加人類工作量
TOP 15
-
【打工仔必知】惡劣天氣下唔返工會唔會被扣人工？ 僱主可以要求WFH？
TOP 16 -
律政司招聘合約法律書記 月薪$23,585
TOP 17 -
同事表面友善背後放冷箭？打工仔慘變「是非精」箭靶！學識呢幾招保護自己更重要！
TOP 18 -
做在職媽媽並非好事？哈佛研究：事業媽媽子女更易成功！
TOP 19 -
英國推AI助手改善公務員工作 每日慳近半小時工時
TOP 20
